De 98e Tocht: 2005 It hie wer sa moai wêze kinnen, om der wer in wykein op út te gean, wy binne ek fuort west mar mei mingde gefoelens. Wat in kloaten jier. Op de ledegearkomste fan 7 maart wie in elts it der wol mei iens: wy soene fuort yn it wykein fan 1, 2 en 3 april, foar ús 98’e tocht. Mar it kaam oars. Op woansdei 16 maart kaam it berjocht dat in Ljouwerter bestjoersrjochter it aaisykjen foar dit foarjier FERBEAN hat. Dat sloech yn as in bom. Der waard noch net sketten, mar der kamen al kûgels by inkelde minsken en it die bliken dat de aaisikers it der net mei iens wiene. Nei in twatal gearkomsten yn Jirnsum waard dan ek besletten om it beslút mar te negearen, om sjen te litten wat ús dwaande hâldt en dat it ús hiel djip sit. Fierders wol ik hjir net mear by stilstean, want in elts dy’t in krante lêst hat dit wol mei krigen. Mar wat moast "De Ald Hy" dit jier der net op út of wol? Dus wol, want jo kinne in hast 100 jierrich tradysje net ferbrekke. Doe’t wy yn 2002 yn ferbân mei de tongblier der ek net op út koene, doe hiene wy der frede mei, mar mei dit net. Yn 2002 is doe in alternatyf program yn elkoar setten mei in oriëntearingsrit en yn De Tuolle teoretysk aaisykje. Wy hawwe in moaie dei han doe. Mar dit jier moast it oars. Nei wat oerlis mei de leden waard besletten on mar wol op freed 1 april om 20.00 oere yn De Tuolle te kommen en op sneon 2 april mar it lân yn te gean om te aaisykjen. Troch it komitee, dat oars op de sneontejûn wat útfine moat om de leden by de les te hâlden, wie in program opsteld om ús de sneonsk dwaande te hâlden. Der wine 4 kriten op kaart setten, te witten: de Aldfeart Krite, De Lytse Wiersterkrite, de krite Tersoalster en Sibrandabuorsterfjild en it Poppenwiersterfjild. Der gongen dit wykein 14 fan de 16 leden mei Jan Martens wie siik en Douwe Wester moast te sjongen mei Lytse Krêft. Dus der kamen 4 ploegen, 2 fan 4 en 2 fan 3 en dy krigen ek in namme: Ploech 1D grize ploech: Pieter van der Wal, Hindrik Weiland, Bareld de Groot, Trinus Lighart. Ploech 2D wat minder grize ploech: Cees Stavinga, Anne Durkstra, Lolke Wijtsma Ploech 3D wat rypere jeugd: Albert Wester, Jakob Steenbeek, Egbert van der Hem, Wytse Punter Ploech 4D jonge hûnen: Age de Jong, Rouke Rienk de Jager, Anno Wijtsma Op de freedtejûns koe in eltse ploech in bod útbringe op 1 fan dizze kriten hoefolle aaien as sy der fine soene. De ploech dy’t it heechste bod hie op dy krite, mocht der as earste hinne, se krigen 2 ½ oere de tiid om te sykjen. Besletten wie al om de aaien net mei te nimmen en by nêsten wer as stokjes bystean die telle net mei. Wy soene mar fan start gean op sneontemoarn on 7.00 oere en om 9.30 oere kofjedrinke yn De Tuolle. De measten diene it harren ek wol oan tiid en om 6.30 doe as de wekker gie hawwe wy mei syn allen oan it brea-iten sitten. As wie it sa dat de earsten der al om 5.00 al fan it bêd of wine en wisten se net hoe hurd as se poatten brekke moasten om yn it lân te kommen. Mar dat wie dit jier wat oars, konkurinsje wie der dochs net. Om 9.30 kofje en doe die al bliken dat sommige ploegen te heech ynsetten hie en ja dan binne it minpunten. Ik bedarre mei ploech 2 yn it lân fan Jan Nauta en de broers de Boer en Ale de Vries. Wy hiene ynsetten op 45 aaien mar dat wine der mar 18, by 14 stiene al stokjes by, dus dy telden net mei. Dêrnei waard der wiksele fan kriten en miskien koe de oare ploech wat mear aaien fine yn dizze krite, mar dat foel ek of. Om 12.30 wer werom yn it doarpshûs, bakje kofje of wat oars en dan de lêste kear it lân yn, oant 16.00 oere ta. Nei in hassebasje en in bierke hie Jot Suierveld by Sing King Ling út Snits wer moai wat iten foar ús helle en dat gie der dan ek wol wer ien nei sa’n dei. Wytse Punter Hie riede dat wy dizze dei 150 aaien fine soene, mar dat waarden der 113. Al mei al hawwe wy ús fermakke mar dit wie wol in hiel ûngewoan wykein en ik hoopje dan ek dat wy it oare jier, as ús klup 100 jier bestiet wer gewoan it lân yn kinne om te aaisykjen en dit ek fiere te kinnen. Wat sille wy hjir oan dwaan? Der sil in boek komme oer 100 jier "De Ald Hy" der wurd drok oan wurke. Der soe einliks in monumint komme moatte yn Tersoal, dêr wurdt ek oan wurke. Dit kostet plm. EUR 10.000,-- en hjir wurde subsydzjes foar oanfrege. Oan’t no ta is der EUR 6.500,-- tasein. Dêrby sitte ek 2 jeften by fan ynwenners fan Tersoal. Hawwe jo der ek wat foar oer,it rekkennummer is 3307.36.744 o.n.f. Aaisikersklup de Ald Hy, Tersoal.Hawwe jo belangstelling foar it boek skilje efkes! De kosten wurde plm.20,-- Euro foar in boek fan 350 siden Bygeand ek efkes it ûntwerp fan it monumint wy moatte noch sjen wêr as it komt,mar misskien hjir wol.It sil makke wurde troch Hans Jouta fan Ferwert. Ut namme fan de aaisikersklup "De Ald Hy" Lolke Wijtsma Durk Dijkstrastrjitte 11 9014CC TERSOAL 0515521621 0653817432 mail Wijtssma@lollke.tmfweb.nl